Та энэ хэсгээс түгээмэл асуултанд хариулсан байдлыг харах боломжтой

Асуулт хариулт

 

 

 

Асуулт: Бараа захиалахад танай сайтад заавал бүртгүүлэх шаардлагатай юу?

 

Хариулт: Тиймээ заавал бүртгүүлэх шаардлагатай.

 

 

  

Асуулт: Захиалсан бараа  хэр удаж ирдэг вэ?

 

Хариулт: Агаарын ачаа ажлын 5-10 өдрийн дотор Монголд ирдэг.

Агаарын ачаа 7хоног бүрийн Гурав дахь өдөр болгонд Англиас хөдөлж байгаа.

 

Тиймээс таны захиалга хэддэх өдөр, ямар хүргэлт сонгож захиалснаас хамаарч ирэх хугацаа тодорхой болно. Жишээ нь: та захиалгаа түргэн хүргэлт /nextday delivery/  сонгож Нэг дэх өдөр захиалсан бол таны бараа Хоёр дахь өдөр манай Англи дахь салбар дээр ирж гурав дахь өдөр хөдлөх ачаанд багтах болно. Жич : Ачаа гарах өдөр буюу 3 дахь өдөр манай англи дахь салбар дээр ирсэн ачаа тухайн 7 хоногийн ачаанд орохгүй бөгөөд дараагийн 7 хоногийн ачаа руу орох болно. Тиймээс та хугацаагаа сайн тооцоолж захиалах хэрэгтэй. 

Энэ захиалгын хувьд нийт хугацаа 7-10 хоногт багтаж ирж байна.

Хариулт: Газрын ачаа Англи улсаас хөдөлснөөс хойш 2-3 сар болж  Монголд ирнэ.

 

Асуулт: 1кг ачааны тээврийн зардал  хэд вэ?

 

Хариулт: Монголд ирэх тээврийн зардал ачааны нийт кг-аас шалтгаалдаг. 

Агаар ачаа: 1 кг хүртэл = £8

                     1кг-аас дээш бол граммаар тооцно 

 

Газар ачаа: 1-10 кг дутам     = £4

                    11-30 кг дутам    = £3.5

                    31-60 кг дутам    = £3

                    61-100 кг дутам  = £2.5

                   101-150 кг дутам = £2

                    151 кг аас дээш  = £1.5

 

 

.   

 

Асуулт: Англи дахь хүргэлт гэж юу вэ?

 

Хариулт: Англи дахь хүргэлт гэдэг нь: Таны бараа авч байгаа дэлгүүрээс UNURSHOP-ын Англи дахь салбар дээр ирэх тээвэрлэлтийн зардал юм.

Энэ зардлыг  Английн онлайн  дэлгүүрүүд өөрсдөө тогтоосон байдаг тул тухайн тээвэрлэлтийн зардал харилцан адилгүй байдаг.

Бид таны захиалсан барааг цаг алдалгүй түргэн шуурхай таны гар дээр авчирч үйлчилэхийн тулд Англи дахь дэлгүүрүүдийн тээвэрлэлтийг шуурхай буюу  “NEXT DAY” delivery-гээр тохируулж UNURSHOP-ын захиалгын хэсэгт холбосон байгаа. Хэрвээ та Англи дахь тээвэрлэлтийг STANDARD юмуу FREE DELIVERY-ээр авахыг хүсвэл манай 24/7 онлайн туслахаас боломжтой үгүйг нь асуугаарай.

 

Асуулт: Бараа тухайн сайтан дээр байгаа үнээрээ ирэх үү?

 

Хариулт: Тийм гэж хэлж болно. Гэхдээ барааны үнэ дээр  Англи дахь /delivery/ болон Монголд ирэх тээвэрлэлтийн зардал нэмэгдэнэ..

(Гаалийн татвар) Монгол улсын хилээр орж ирж байгаа бүх бараанд гаалийн татвар тооцож авдаг журамтай бөгөөд энэ татварыг та захиалга хийхдээ урьдчилж төлж болно. Урьдчилж төлсөн  тохиолдолд бид таны өмнөөс гаалийн бүрдүүлэлтийг хийж барааг таны гар дээр хүргэх болно. Урьдчилж төлөөгүй үед  таны бараа  Монгол Улсын Гааль дээр саатуулагдсан тохиолдолд та өөрийн биеэр очиж бүрдүүлэлтээ хийн  бараагаа авна.


 

Асуулт: Төлбөрөө яаж хийх вэ?

 

Хариулт 1: Та английн онлайн дэлгүүрээс бараа захиалж авч байгаа тохиолдолд төлбөрөө олон улсын картаар төлнө. Захиалга руугаа ороод төлбөр төлөх гэдэг дээр даран paypal болон world pay  гэсэн төлбөрийн системийн аль нэгийг сонгон картын мэдээллээ оруулан төлбөрөө төлнө. Төлбөр төлсний дараа 70000509, 98808998 утсаар болон манай онлайн туслахад мэдэгдэж болно. 

 

Хариулт 2: Та монголд бэлэн зарагдаж байгаа барааны төлбөрийг төлөхдөө бараагаа худалдаж авахдаа бэлнээр болон дансаар шилжүүлж болно. Гүйлгээний утга дээрээ өөрийн нэр болон утасны дугаараа бичнэ. Төлбөрөө дансаар хийсний дараа 7000-0509, 98808998 утсаар мэдэгдэнэ.

 

 

 

Асуулт: Энэ “£” ямар мөнгөн тэмдэгт вэ?

 

Хариулт: Энэ ”£” валют нь Англи улсын мөнгөн тэмдэгт “POUND” буюу “Фунт Стерлинг” юм.

Зарим хүмүүс энэ мөнгөн тэмдэгтийг “EURO”-той андуурах нь элбэг байдаг.


 

Асуулт:  Барааны худалдан авалтыг  би өөрөө  хийгээд танай Англи дахь хаяган дээр хүргүүлэн, Монголруу тээвэрлүүлж болох уу?

 

Хариулт: Болохгүй. Учир нь дараахь эрсдэлүүд үүсдэг.

Таны захиалсан бараа манай Англи дахь хаяган дээр ирэхгүй удах, алга болох, өнгө хэмжээ зөрөх, буруу бараа ирэх, барааны тоо дутах тохиолдлуудад бид хяналт тавих ямарч боломжгүй болдог.

Захиалгаа UNURSHOP-оор дамжуулж хийх нь дээрх эрсдэлүүдээс хамгаалахын зэрэгцээ unurshop  үйлчилгээндээ нэмэлт төлбөр авдаггүй болохоор таны өөрөө хийх захиалгын үнийн дүн unurshop-оор дамжуулж хийх захиалгын үнийн дүн яг адилхан байдаг.

  Асуулт: Гаалийн татвар гэж юу?

ХариултГаалийн татвар гэдэг нь Монгол Улсын хил гаалиар орж ирж байгаа бараанд ногдуулдаг албан татвар юм. Гаалийн татварыг бодохдоо барааны худалдаж авсан үнэ дээр тээврийн зардлыг нэмээд, нийт гарсан үнийн дүнгээс 15,5%-аар тооцож гаргана.

Захиалагчийн захиалсан бараа бүтээгдэхүүнийг  тоо ширхэг, жин, үнийн дүнгээс хамааран Монгол Улсын гааль бүрдүүлэлтийн журмын дагуу зарим бараа бүтээгдэхүүнийг саатуулан татвар ногдуулах эрхтэй бөгөөд энэ тохиолдолд захиалагч гаалийн татварыг бүрэн хариуцна. Захиалагч өөрийн биеэр хүчин төгөлдөр бичиг баримт/иргэний үнэмлэх/-тайгаа очиж, гаалийн бүрдүүлэлт хийн, ногдсон татварыг төлж бараагаа авна. 

АсуултГаалийн болон нэмэгдсэн өртгийн татвараас чөлөөлөгдөх илгээмж гэж юу вэ?

Хариулт: 2.1.Гаалийн тариф, гаалийн татварын тухай хуулийн 38.1.15-д заасны дагуу хувь хүний нэр дээр ирсэн дараах илгээмжийг гаалийн татвараас чөлөөлнө.

2.1.1.нэг сарын хөдөлмөрийн хөлсний доод хэмжээг 10 дахин нэмэгдүүлснээс дээшгүй үнийн дүнтэй, ижил төрлийн хоёроос илүүгүй бараа бүхий, хувь хүний нэр дээр илгээсэн илгээмж.
2.2.Нэмэгдсэн өртгийн албан татварын тухай хуулийн 13.1.24-т заасны дагуу хувь хүний нэр дээр ирсэн дараах илгээмжийг нэмэгдсэн өртгийн албан татвараас чөлөөлнө.
2.2.1.нэг сарын хөдөлмөрийн хөлсний доод хэмжээг арав дахин, зөөврийн компьютерийн хувьд нэг сарын хөдөлмөрийн хөлсний доод хэмжээг гуч дахин нэмэгдүүлснээс дээшгүй үнийн дүнтэй, ижил төрлийн хоёроос илүүгүй бараа
/ Ижил төрлийн бараа гэдэг нь: Гаалийн тариф, татварын тухай хуулийн 12.2-т “Ижил төрлийн бараа” гэдэгт үнийг нь тодорхойлж байгаа бараатай бүх талаараа адил биш боловч үндсэн шинж байдал, бүрдэл хэсэг, зориулалтаараа ижил, арилжааны талаас нь аль алинаа орлож чадах барааг хэлнэ” 12.3-т “Ижил төрлийн барааг тодорхойлоход барааны чанар, тэмдэг, нэр хүнд, гарал үүслийн улсыг харгалзан үзнэ” гэж заасан. /
Жишээ нь : Таны нэр дээр хүүхдийн гутал 1ш, эмэгтэй гутал 1ш, эрэгтэй гутал 1ш нийт 3ш гутал ирсэн. Энэ тохиолдолд нийт үнийн дүн 2 сая 400 мянган төгрөг хүрээгүй ч нэг төрлийн бараа гэж үзэж татвар тооцож авна. Харин таны нэр дээр өмд 2ш, цамц 2ш, гутал 2ш нийт 6ш бараа ирсэн. Энэ тохиолдолд нийт үнийн дүн 2 сая 400 мянган төгрөг хүрээгүй, ижил төрлийн бараа 2-оос илүүгүй байгаа тул та татвар төлөхгүй.

 

 

ХариултХариулт